Vistas de página en total

viernes, 12 de noviembre de 2010

La sidra y la conceyala d´urbanismu

Agora tóca-y a la sidra. Recomiéndovos lleer con atención esti artículu que vos dexo equí debaxo
http://www.lne.es/mar-campo/2010/11/11/sidra-asturiana/992912.html
Llámame l´atención los comentarios y les opiniones de la xente tan descomanaos y cola boca tan grande echando contra los vascos y contra tolo que se ximielga. Non, non, non. La culpa nun ye de los vascos. Ellos faen bien. Tiren polo d´ellos y nosotros lo que facemos, como siempres, ye esperar a que venga dalguién a sacanos les castales del fuéu, nesti casu les mazanes ya pue ser "papá Estáu" o "papá Principáu" y eso nun va pasar porque esa dómina, por muncho que s´empeñen determinaos sectores de la sociedá anclaos nel pasáu por determinaos intereses partidistes y personales en que nun seya asina, ya finó. La sidra ye una industria que, n´Asturies, da trabayu directu a más de 9.000 persones pero namás que mos preocupamos d´ella cuando apaecen noticies como esta o cuando queremos tomar un culín el domingu a la hora´l vermú. Pero nun ye namás cola sidra ye con tóu y, claro, asina mos va. Tovía m´alcuerdo esti branu pasáu como la conceyala d´urbanismu de Carreño prohibió escanciar sidra na cai, nes terraces porque golía y daba mala imaxen pa los turistes. Naide protestó quitando un garrapiellu d´hosteleros. Ye más había xente que-y daba la razón nun perconocíu programa de la TPA. Recuérdovos la seña d´identidá númberu dos de los asturianos: la imbecilidá. La unu ye la autodestrucción y vamos percontentos camín d´ella, eso sí, por culpa de los vascos.

2 comentarios:

  1. El problema ta en casa. Pero ye más cómodo buscar payes en güeyu ayenu que vigues nel propiu. Ehí ta'l tema que menciones de prohibir l'escanciáu en dellos sitios. Sigui poles terminoloxíes fates que sustituyen a les de siempre ("¿tomamos unas sidras?"), añáde-y coses como "catas de sidra" por espiches o prebes d'ella, o'l refugu del escanciáu por xente venceyao al tema d'equí y defenses del mesmu por xente d'otros llaos y concluyes que los qu'allanamos el camín pa que nos coman les sopes somos nosotros y namás que nosotros.

    ResponderEliminar
  2. Y los vascos que guei nos imiten la manera d'echar sidra. Enantes no yera así. A veces sintióme que somos como rapacinos y que nunca vamos crecer. Ye culpa tanta sidra, collaciu! Andrés

    ResponderEliminar