sábado, 11 de diciembre de 2010
Qvo vadis Asturies
Pongo la tele y apaez encesa nun canal cualisquiera de los que se ven n´Asturies. Vamos poner que se llama, por exemplu Telecirco, y lo primero que los mios güeyos acierten a ver ye la siguiente escena. Tan sentaos nunes silles les siguientes persones: el delincuente nomáu popularmente "El Dioni", l´asesina nomada tamién con cariñu "la Dulce Neus" y una tal Loly Álvarez. Esta imaxen déxame ablucáu y casi ensin respiración pero nun acaba equí la cosa. La charra, moderada por un famosu presentador miembru del lobby qu´angüaño domina esa cadena y tres cuartos del estáu, ta basada no que les tres figures tienen en común ente elles mesmes y nun ye otra cosa que la so relación col ex-abogáu fugáu de la xusticia Rodríguez Menéndez qu´al parecer sábese que ta pa l´Arxentina. Nun aguanto más d´un minutu porque´l cuerpu ruémpeme a sudar y camudo de canal. Casi ensin atinar primo un botón al debalu. Salme un programa de nome DEC y lo primero qu´oigo ye: ¿TE PREGUNTO QUE SI LES VISTES? (la traducción d´esta frase en llingua belenestebaniana al castellán sedría: ¿TE PREGUNTO QUE SI LOS VISTE?). Esto ye muncho pa´l body como diríen los guah.es d´agora. Apago la caxa boba y salgo a tomar l´aire frescu de la xelada mientres albidro coses y me faigo entrugues. ¿La xente tragará tolo que-y echen? ¿De verdá verán la televisión? ¿Hasta onde vamos llegar sinón conocemos el mayor ríu d´Asturies o la capital de Francia pero si les veces que va cualisquiera d´estos personaxes al serviciu durante´l día? Qvo vadis Asturies?
Suscribirse a:
Enviar comentarios (Atom)
Esi ye'l modelu que ta impuestu. Pero, de manera chocante, podría aidar a cambiar les coses si los responsables políticos de verdá apostaran por ello. Hai un par de meses -esto selo por un técnicu con importante cargu nuna televisión- nuno d'esos programes de los que fales llevaron a dos científicos a falar del cambiu climáticu. ¿Sabes lo que pasó?, ¡que naide cambió de canal! La audiencia siguió siendo la mesma. La xente traga mierda pero nun siempres lo busca, sinon que ye mui fácile alcontrala.
ResponderEliminarPor cierto, a ver cuando me convides a comer. Ye que les recetes de la to güela tienen mui bona pinta. Yo fixe l'otru día los fritos de calabaza, que nunca nun probare, y saliérenme bastante bien.
Un saludu y felicidaes pol blogue.
Tienes razón David la mierda ta por toles partes. a xintar quedamos cuando quieras y yá preparamos o meyor dicho prepara la mio güela unes recetes de la cocina secreta y máxica asturiana. Un abrazu
ResponderEliminar