INGREDIENTES
Fabes (1 kilu)
Amasueles (1 kilu)
Andariques (3 ó 4, según el gustu del cocineru/a)
Fariña
Perrexil
Vinu blancu
Sal
Agua
Aceite
Ayu
PREPARACIÓN
Lo primeru de tóu poner les fabes a remueyu unes 12 hores enantes de cocinales, lo meyor ye, la nueche anterior.
Echamos nuna pota les fabes con agua (que les cubra por enrriba) y ponémosles a cocer. Esperamos hasta que veamos que tean blandes (aprosimadamente ente una hora y media y dos hores, depende del tipu de faba) y echamos el sal y si queremos echar pataques echámosles tamién agora.
Aparte, mientres cuecen, picamos l´ayu y el perrexil y echámoslo nuna sartén con aceite, añadimos tamién una migaya fariña, un chorrín de vinu blancu y un pocu d´agua (una salsa verde ye lo que facemos).
Echamos too´l conteníu de la sartén na pota les fabes. Partimos les andariques en cachinos enrriba un platu y echámosles tamién p´allá xunto coles amasueles; el líquidu que sal al partir les andariques tamién pala pota (da-y sabor mariñán). Dexámoslo cocer too ente 10 y 15 minutos (hasta qu´abran les amasueles). Caproveche.
Conseyos
Podemos echa-y tamién unes pataquines que-y den sabor y cualquier tipu de mariscu como ñocla, centollu, llangostinos y yá lo másimo sedría llangosta o bugre (depende de lo que queramos gastar).
Tamién recomiendo que les fabes seyan del mesmu tipu pa queden nel mesmu puntu toes. Si son de dos tipos diferentes unes pueden quedar bien pero otres pueden quedar dures porque necesiten más coción y si les cueces más desmigayes les otres.
Les fabes, tanto éstes como la fabada con compangu, saben meyor d´un día pa otru por qu´el caldu posa y engorda. Esto siempres lo dicen les vieyes y sabies cocineres o cocineros.
Fabes a remueyu
Fabes yá cocíes
Ayu y perrexil picaos
Echándo-y les pataques
Amasueles y andariques
Echando les andariques
Preparando la salsa verde
Echando la salsa verde
Echando les amasueles
Pota fabes yá lista pa comer
Platín de fabes
Que finu anduvistes ahi! vas tener que sacar un libru con les recetas de la güela by Bras Rodrigo.
ResponderEliminarSeguramente que haya gente que se anime y las haga; mi opinion es que estan cojonudas
voy faceles pa la fiesta del pavo. cómo se diz pavo n'asturianu?
ResponderEliminarAndrés
¡Qué ganas de estar en tu cocina para probar ese riquísimo plato!
ResponderEliminarRobert Lima
Gracies a vosotros, Andrés collaciu pavo n´asturianu ye pavu, un abrazu
ResponderEliminarQué bueno, sos mejor que Arguiñano, porque acá tenés todo para preparar este plato magnífico. Muchas gracias.
ResponderEliminar